أهدي بيت شعر لمن تحب

[hmsraqi]

ff1 (1799).gifصباح / مساء الحب ff1 (1799).gif


على كف القصيد .. مراسيل للأحباب
121.pngهمســــة121.png,,
عتب ؛ شوق ؛ حنين ؛ اعتذار

[hmsraqi]

ابقى احبك واعشقك واتحراك
وعايش على ذكرى ليالي قديمه
انته عديل الروح والقلب يهواك
يالي بعدك افراح قلبي يتيمه

[hmsraqi]

للحين احبك واعشقك واتمناك
للحين وانت تمرني في خيالي

واجد اقول اني مع الوقت بنساك
مدري متى بيروح طيفك ف بالي

ارجع ترا قلبي من الشوق ناداك
ارجع ورجع كل ذيكك اللياليييي

صحيح ان البعد غصبن تولاك
لكن قسم ….بالله لازلت غالي

[hmsraqi]

مشتاق وافكر متى اكون وياك
يااجمل أحاسيس الوله والاماني

تدري احبك واعشقك واتمناك
يااصدق حروفً قلتها في زماني

[مطلع الشمس]

لـ زارني طيفك مع الليل بالهون

الشوق يهجدني سرايا سرايا

واقوم اشيل القاف باحساس ولحون

وانا احسب انه مابقى لك بقايا
’’

اشكرك على هذه المساحه

الراقيه برقي أحساسك:724:

[عيسى العنزي]

شكرا لك على الموضوع
يعطيك العافيه
احترامي

[hmsraqi]

ياروح روح الروح يرحم والديك
لا عاد تسلني تقول ……اتحبني؟

والله أحبك واعشقك واموت فيك
تعال خذني في حشاك و خبني

[hmsraqi]

ما سكنّي غير حبك مع غلاك
والوفا يجري مع عروق الوريد

ايه أحبك حب وذابحني هواك
وأعشقك ي حبيبي عشقٍ فريد

[hmsraqi]

ابقى احبك واعشقك واتحراك
وعايش على ذكرى ليالي قديمه
انته عديل الروح والقلب يهواك
يالي بعدك افراح قلبي يتيمه

[hmsraqi]

اسابقك على وصالك وأسبقك
وارتاح نفسياً اذا شفتك قريب
.
تبي الدليل اني احبك واعشقك؟
ازعل واقول اني بغيب , وما اغيب