إيه ب أرحل والطريق أدري .. طويل

قصايد · 05-11-2021, 10:52 PM

قول عادي ..
بالي الليله طويل ..
شوف لك عذر قديم / وأقبله !!

لا تحاتي
قلبي متعوّد يشيل :
( الجروح ) اللي تجي له مقبله

" طيبتي " صارت مثل ( كف البخيل )
أيّ شي طايح .. تشوفه ؟ تحمله

و " عزّتي " تقدر تسمّيها : النخيل
لأني شامخ .. والعواصف قاتله
وعادي جدا .. إنّي الليله ( عليل ) ..
الحزن : يحسبني واحد من هله !!

ومو غريبه .. لو تمنّيت الرحيل
البقاء أحيان , يعني .. البهذله !!

في غيابك .. ما لها الضيقه مثيل ..!
وربّي اللّي .. ما يشاءه , يفعله

من يلاقي ل دنيتي هذي بديل ..؟
خل يجيني أي شخص .. أبدّله

وعيب راسي لا بغى شي " مستحيل "
يوصله مو طيب .. غصب يوصله

ليه راجع ؟!
ليه ذاكر ..؟
ي الأصيل ..؟؟
إنت ضايق .. ؟!
في خطأ بالمسأله !!

وليه تبكي من كلامي ي الدخيل ..؟
المشاعر .. ما لها بقلبك صله ؟!

و( البلا ) .. إن حب رجال " ثقيل "
ينسى من حوله ويسمع ( مذهله ) !!

من عرفتك .. ما بقى ب اليد .. حيل
ولو بكيفي ..؟ [ قلبي ] محد يدخله

ومن عرفتك .. حظّي العاثر يميل ..
أعترف لك إنّي ( عاجز ) أعدله !!

فاقد الإحساس / ما يعطي القليل
وإن عطيته إحساس قلبك ؟ يقتله !!

إيه ب أرحل والطريق أدري .. طويل ..
مشكله " قربك " .. وبعدك مشكله ..

وإن خذاني الموت إترك قال وقيل ..
قول ه الجمله .. وخطاك محلّله :

[ ربّي إلهم أهله الصبر الجميل
وإرحمه يا رب وإحسن مدخله ]

imported_ريآن · 05-12-2021, 12:33 AM

[TABLETEXT="width:80%;background-image:url('http://forum.hwaml.com/imgcache2/hwaml.com_1427239166_398.gif');"][CELL="filter:;"][ALIGN=center]
[ALIGN=CENTER][TABLETEXT="width:80%;background-image:url('http://forum.hwaml.com/imgcache2/hwaml.com_1427239443_565.jpg');"][CELL="filter:;"][ALIGN=center]
[/ALIGN][ALIGN=center][ALIGN=CENTER][TABLETEXT="width:80%;background-color:chocolate;"][CELL="filter:;"][ALIGN=center]

متصفح بَديــع يجوُد بآلروعة
ممُتن لِكرمِ طرحكِم
لـ روحكم حدآئقِ منَ آلجــوري

.

[/ALIGN][/CELL][/TABLETEXT][/ALIGN]
[/ALIGN][/CELL][/TABLETEXT][/ALIGN]
[/ALIGN][/CELL][/TABLETEXT]

imported_سلمان · 05-12-2021, 12:35 AM

طرح رائع ومفعم بالجمال والرقي
يعطيك العافيه على هذا الطرح
وسلمت اناملك المتألقه لروعة طرحها
تقديري لك ل سموك

قصايد · 05-12-2021, 01:06 AM

طرح رآقي وأنتقـــاء مميـــز ومجهود رائـــع
الله يعطيكـ العافيه

عواد الهران · 05-12-2021, 10:52 AM

بارك الله فيك...
جزاك الله خير الجزاء,
ولك الشكر والامتنان,

والتميز بكمن بما نستفيد ونفيد,

وقمة التفاعل:
بالرد عليكم ,وتلقي ردودكم الكريمه.

imported_محمد · 05-12-2021, 01:53 PM

سلمت يدآك على روعة الطرح
وسلم لنآ ذوقك الراقي على جمال الاختيار ..
لك ولحضورك الجميل كل الشكر والتقدير ..
اسأل البآري لك سعآدة دائمة ..
ودي وتقديري لسموك