ياليله البعد ليتك ما انتي الليله

[توت احمر]

ياليله البعد ليتك ما انتي الليله
ادموع عيني تراها اليوم هماله

ردي لقلبي يانبض القلب ردي له
وردي لعيني يانور العين مختاله

غيبتك عني ياشوق الروح وشهي له
ماتدري الغيبه اللي منك قتّاله

الله على البعد لوهو ينهمر سيله
والله على الوصل لوهو ضاع مدهاله

القلب بعدك ترى قد صابته عيله
مسكين قلبي تحمل جرحك وشاله

الوصل منك وغيرك عفت توصيله
والبعد منك يهد الكون وجباله

لا والله الا شموخي صار به ميله
لا والله الا الجمل خايف من احماله

يا ويل قلبي على فرقاك يا ويله
في وسط صدري تقول مشغلً آله

من يوم شفتك لطيف العود بالشيله
حرمّت ماكون عنّك ساليً داله

ماعاد للقلب لا قوه ولا حيله
إن حب غيرك من الترفات اردى له

عاني حبيبك لعينك مسرجً خيله
يبغاك من بعد اذنك تنظر فحاله