الخيال اللي على بعدٍ سرى

[قصايد]

الخيال اللي على بعدٍ سرى
زارني واختارني بين الصحاب

ما عرفته هو حقيقه او كرى
غير إني أحضنه وأحسب سراب

كل ما أظنّه بدى عني يرى
من بيمسك نور أو يقبض ضباب

هو درابي أو أظنّه ما درى
نوره الباهر تبادى لي وغاب

وجهه الفاتن حسن ما ينظرا
بدر لكنه ظهر لابس ثياب

جا صوبي ورغم إنه يقدرا
عقب لمسي له على الكفين ذاب

ثم عادت تبتسملي في الثرى
واظهرت عند البحر أو في السحاب

وين ما صديت وجهه يظهرا
حاصرّني بالحسن حور كعاب

من حسنها البحر طعمه تغيرا
صار منها عذب طيّب للشراب


كلمات سمو الشيخ
محمد بن راشد آل مكتوم