قالت أحبك في حشايا براكين

[قصايد]

قالت أحبك في حشايا براكين
يااللي تحبني إنت قلبي وروحي

إنت الولع وإنت الهوى والميادين
وانا خيول الشوق تصهل ببوحي

من كبر حبك تهت بين العناوين
واتْكّسرت أبيات شعري ونوحي

شفت القصيد اللي بقلبي دوواين
لاجيت باوصف كبر حبك تروحي

سبع السما في كبرها والأراضين
حبك يميل بها إذا كنت توحي

قلت إسكتي يامهجتي والشرايين
يالهفة المشتاق يالوح نوحي

جنة سبأ إتْجمّعت فيك ثنتين
يارب للإيمان أبني صروحي

شفتي النجوم اللي عددها ملايين
اللي مع العشاق دايم تلوحي

قولي عددها واضربيها الموازين
تلقين حبي زايدٍ في وضوحي

أهديت قيفاني لعينك عناوين
والشرح لصدور المحبين دوحي