تصور ان الشعر يضحـك وبكيتـه

[ALIGN=CENTER][TABLETEXT="width:80%;background-color:white;"][CELL="filter:;"][ALIGN=center]
[ALIGN=CENTER][TABLETEXT="width:70%;background-color:black;"][CELL="filter:;"][ALIGN=center]

اتعبني الحلم لين الواقـع انكرنـي
............ كني مسكت الفرج بيـدي وهديتـه
مافي داعي على فرقـاك تجبرنـي
............ حتى الجفا منـك ولعنـي وحبيتـه
الجـرح عـدا زمانـه لاتذكرنـي
............ هـذاك وقـت تعذرتـه وجافيـتـه
لوشفت دمع القصايد كان تعذرنـي
............ تصور ان الشعر يضحـك وبكيتـه
ماغيرونـي ياكـود الله يغيـرنـي
............ كم واحد عنـك يبعدنـي ورديتـه
وفيـت وادري وفايـا مايصغرنـي
............ صوبت يم الهدف لاكنـي اخطيتـه
من طار سرب الغلا والشوق طيرني
............ شف ماعلى الارض واحد ماتعديته
خذني على صدرك الدافي وسيرنـي
............ بعض الولع ياخذ الرجال من بيتـه
ابنشغـل فـي عيونـك لاتدورنـي
............ ودي بشي اشوفـه مابعـد جيتـه
خليت قلبي معـك والله يصبرنـي,,
............ مبطي وانا اقول قلبي ويـن خليتـه
نسيت اعلمك طيفك جاء يسهرني
............ بس انت ماشفتني وشلون ضميته
اشتقت لك مابقيتك عـاد تشكرنـي
............ تغيب والشوق ماعمـري تباطيتـه
ماخذ على خاطري والبعد قاهرنـي
............ مدري شسوي وانا كل شي سويته
العام يوم الوعد تسبـق وتنطرنـي
............ مستغرب شلون هالموعد تناسيتـه
وين انت رايح ولا كنـك معبرنـي
............ ماكني الي علـى العالـم تمنيتـه
لاصار هذه علومك راح تخسرنـي
............ ماعمر احد راح من كيفه وناديتـه
عند الكرامه ابيعك وانت خابرنـي
............ الله وكيلك ترى كـل شـي مريتـه
وكانه هجر بالسلامه روح واهجرني
............ اخـوي لاصـد عنـي ماترجيتـه

[/ALIGN][/CELL][/TABLETEXT][/ALIGN]
[/ALIGN][/CELL][/TABLETEXT][/ALIGN]