يسعد مسائك صاحبـي لا عدمتـك

نسيـت كـل الـنـاس يــوم ٍ عرفـتـك
وحجزت لك فـ.. قلبي أغلا مساحه
حتـى شعـرت انـك بدمـي نبضـتـك
ومن غير تستاذن لديـك استماحـه
ايه اعترف لـك بالصراحـه عشقتـك
بقولـهـا لـــك واعـتــرف بالـصـراحـه
من قبل اعرفـك تايـه ٍ ليـن شفتـك
وما اذكر ابد فـي يـوم عينـت راحـه
وداع يــا ضـيــق الـصــدر لا زفـرتــك
ارحل وخل الشـوق يطلـق صراحـه
كم جيت لك ضامي ويا ما شربتـك
مــر الهـمـاج الـلـي حثـالـه قـراحـه
ســلام يــا حــظ ٍ تبـسـم شعـرتـك
وسلام يـا وسـع الصـدر وانشراحـه
سـلام يــا غـايـة خفـوقـي طلبـتـك
خلك معـي يعلـن خفوقـي ارتياحـه
رشحـتـك لقـصـري امـيـر ونصـبـتـك
وهذا وسام العشق وهـذا وشاحـه
انــا اسـيـر ابـدولـتـك لـــو اسـرتــك
وخذني الي منفى غرامك سياحـه
ويا شاطي العشاق شفني عبرتك
الـ.. معتقـل رمـش ٍ رمتنـي رماحـه
وابـا اعتـذر منـك هنـا مــا وصفـتـك
لا حانـت الفرصـه بمعـنـى الاتـاحـه
ابـا اوصفـك وان كـان تامـر رسمتـك
بااحساسي الطاغي بلكنة فصاحه
يسعد مسائك صاحبـي لا عدمتـك
ويسعد مساء حبك ويسعد صباحه

الشاعر خالد اليامي