صباح الورد ياقطرة ندى حطت على العنقود

[imported_ريآن]

[TABLETEXT="width:90%;background-image:url('https://s-media-cache-ak0.pinimg.com/originals/d1/ed/e9/d1ede9540a3e2b41503703566a949191.gif');border:7px double teal;"][CELL="filter:;"][ALIGN=center]
[ALIGN=CENTER][TABLETEXT="width:70%;background-color:white;border:5px double white;"][CELL="filter:;"][ALIGN=center]

صباح النور ياورد ٍ زما في غصنه الممدود
صباح النسمة اللي في شذاها ريحة الجوري

صباح الفل ياغصن ٍ تلاعب به هبوب النود
صباح الحب يابدر ٍ زها ، من شدًة النوري

صباح الطير إذا غرّد بلحنه ، والعباد رقود
صباح المهرة اللي تنعسف والشعرمنثوري

صباح الذوق ، يا طلعة رضيع ٍ توها مولود
تغشّاها بوجنتها ، جمال الزين والحوري

صباح الورد ياقطرة ندى حطت على العنقود
وهّلت دمعها فوق أخضر الأوراق معصوري

صباح الخير ياشمس ٍ بدت بين الغيوم السود
كما عذراءً زهت بحجابها والجسم مستوري

أنا، جيتك وأنا ، كلي وله بالخافق الموعود
بتعذيب الفراق ، وكلمتين ٍ تجرح شعوري

أبا أصبّح عليك ، بريحة الكادي ودهن العود
صباح ٍ بالذهب في صفحة التاريخ محفوري

أروّض قلبي اللي في غرامك باذل ٍ مجهود
وأهّدي ثايرالعبرة ، حسب عرفي ومقدوري

كفاني ماجرالي ، من تباريح الغلا المجحود
سهر ليل وشقا عين وطوال الوقت مقهوري

على هاللي حصل واللي بيحصل من عذابي زود
أقول إن الصبر طيب ولوهو زاد مخسوري

فراقك هم .! تبكيه العيون ، وخافق ٍ ملهود
وقربك عيد إلى منه حصل لي صرت مسروري

عذابي من عيون ٍ رمشها في حده المحدود
أشوف الموت إذاأغضت داخل النظرات محشوري

ألا، يافتنة العشاق ...! آية ، ربي المعبود
تجلت صنعته ، وأثني عليه الحمد مشكوري

أحبك .! يشهد الله والليالي ، والنجوم شهود
أخاف الحب يظهرني ، إلامن زاد عن طوري

عليّه حلف .؟ لوشافك غرير ٍفي المهد ممهود
نطق لك ، يذكرالله .! من جمال ٍٍفيه مبهوري

ولوشافك قمر شوال ليلة عيده ، المعهود
يغيب ..! ويجبر العالم تصوم اليوم بالزوري

[/ALIGN][/CELL][/TABLETEXT][/ALIGN] [/ALIGN][/CELL][/TABLETEXT]