عكس المجاديف

[توت احمر]

.
.



إن ضاق ياقلبي دروب المواليف
اللي لهم في الصدر قدرُ ومكانه
فيك الوفا لوّه غدَى بالتكاليف
قدرك ولَانْتَه مِنْ يِضِيْعَ الامانه

يرقَى شعورك دون ريبٍ ولازيف
تمشي على وضحَ النقآ والرزانه
طبعٍ جلِيٍّ فيك ماهي سواليف
يوم الاوادم بين جورُ وخيانه

اضحك ترَى دنياك ماهي على الكيف
مَحدٍ خذَاله مِنْ .. زمانه حصانه
ماهي ترَى تكرِم بِدَوْراتْها ضيف
ولا الذي ضَيّف رقَى كَمِّ خانه

اللهُ واكبر كيف هذي التصاريف
متمرجحه مابين .. عزّ واهانه
برد الشتا يطْفِي لهايِيبها صيف
ولاني بلايم مِنْ شكَى من زمانه

وش حيلتي والوقت بليّا تعاريف
الوقت يمضي ما عطانا ضمانه
أماّ رمانا الموج عكس المجاديف
ولاّ كِسَرْنا خوفنا .. من هوانه

ياطامعين الوقت دونه صواديف
كم واحدٍ بالعَشْر .. عَوّد ثمانه
واللي يعنّز ع الحظوظَ المكافيف
قولو له التفكير .. يبغىَ صيانه

اهْلَ التمدّن والبداوهْ هَلَ الريف
شعورنا تكفون .. فيكم امانه
منهو تعلّا في هواكم مشاريف
لاَتْزَودّوا باسباب فَقْد اْتّزانه

اللي هداك الحب لذّة وتشريف
وشلون تجزي حُبهم بالخيانه
أما ترد الودّ .. فعلُ ومواقيف
ولاّ رحيل الصمت يَكْفي عشانه !


مما راق لي 🌹