ياولد عمي

[عواد الهران]

ياولد عمي

يا ولد عمي راسي من الفكر منداش
------ قامت عواصيف الطوارى تسوقه

احاول ابعد الفكر وانحاش
------ واطرد سراب ما حصل لي لحوقه

لا شفت في دنياي ما يبرد الجاش
------ تعبت من وقت توسع افترقه

الله من صبرٍ صبرته على ماش
------- ولا كل من يصبر يحصل حقوقه

اليوم صار البوم سعره ورى الكاش
------ والحر الاشقر خرب الوقت سوقه

حتى الثعالب قامت اليوم تهتاش
------ والذيب جنبه والعشاء ما يذوقه

ذا زمانٍ فيه الانذال تعتاش
------ واخس خلق الله ما يلحس شدوقه

هذا زمان الخبل والهيس واللاش
------ والا الكفو صار الزمن ذا يسوقه

وياطول صبري بين حاقد وغشاش
----- ناس على عرض المقفي شفوقه

انت الخوي اللي على الهيب رشاش
----- ابن الرجال الصاملين الصدوقه

لو ينفرش قلبي لك القلب مفراش
----- تجلس بوسطه والخدم لك عروقه
،
للشاعر محمد ابن فطيس المري
منقول: عواد الهران