منطق الحرف

[توت احمر]

.


منطق الحرف !

انا الحنين اللي رُوى منْطق الحرْف
وانا السكون اللي يزاحم جهاتي
فيما مضَى ياشاعرٍ يعْشق التَرْف
يسرق شعوره من سطور الفواتي
يرقى مع الابيات ياناعس الطرْف
هام الخفوق وسطوةَ المقبلاتي
يرسم حضارةْ منظرٍ كامل النزْف
بين العيون اللي تساوم نجاتي
فِي كحْلها يعجز الوصف بالوصْف
وفي كَفّها موعد حصاد امنياتي
ترمي شررها بالتجافي على الكتْف
ونفح الفيافي في صداها يباتي
لين اصْبحَت لحظة لقانا على رجْف
كَفّ الوعود وشوفته في شتاتي
قلت الهوَى .. اشْهد إنّه غدَى سَرْف
بذيك العيون وجيشها والغزاتي
شوفه رميمُ وعزّتي تمْنع الصرْف
يرقَى كثيري عن كسور الفتاتي
ماهوب جَرٍّ لي ولا فرْقِته حتْف
دنياي تبقَى في وجودي وذاتي
بس الحنين اللي بقاله على القطْف
شهرين إلاّ .. من فصول الثباتي
يقول عنّي شيْ ولا بسْبقه حلْف
مِن مَا تخبّى عن مراية صفاتي
ماعاد بَقْوَى ياشعوره على الرشْف
إنْهِي حياتَك وخلِّني في حياتي

مما راق لي 🌹