اشره على الاسباب

[توت احمر]

،

اشره على الاسباب وشلون تاخذْك
وانت الذي سِبّة تباشير عمْري
عاجز اصَدّق مابقالي بحاضرْك
من رحْت كنّه ضايعِ زمام أمري !
سلوَى غيابك تجبر اللي بخاطرْك
وتطْوي بعيني ماتِبقّى بصبْري !
جَرّ الغمام اللي على جَفْن شاعرْك
حزنَ الليالُ ومنبع الفقْد يجْري !
حتى الضلوع اللي تغطّي مآثرْك
هبّ الحنينُ وهدّها وسْطِ صدري !
اشره على الاسباب وانا بخابرْك
ماهان عنْدك قَدْر قلبي وقدْري !
ولاهان عنْدك وش حكتْ لي مشاعرْك
في ليلةٍ يبقَى لها الفكر يطْري !
بس الفراق اللي نويته وجابرْك
ظَرْفه اقول إنّي كتمته وتدْري !
ماقلت للي في سكوتي اساهرْك
إلاّ حظوظ الله وراضي بقدْري !
وماقلْت للي ينشدوني فِي آخرْك
وش صار فيها غيرْ والله مدري !
خُبْري ادَوِّر في مواني بُواخرْك
عن كلّ ما يسْنِد بَه اليوم ظهْري !
عن شُوف يجعلْني ثواني اجاورك
يوم الحنينُ وهبّته زاد جمْري !
كاسٍ على كاسَ اللّقى لاتِعاسِرْك
رشْفة لقانا وموعد الوقت خمْري !
وهذا انا شِفْني على مَدّ ناظرْك
وعيونك اللي ماهي اليوم خُبْري !
اللي سمحْ لي بالمحبة اناظرْك !
شوقٍ دفنته والمشاعر وعُذْري !
حتى الحروف اللي تضَمِّد خواطرْك
تنشد خوافي ما عبَرْته بشِعْري
تشْرَه على الاسباب وشلون تاخذْك
وانت الذي سِبّة تباشير عمْري !!

مما راق لي 🌹