غرابيل الزمن وفَّت وكفَّت

غرابيل الزمان أنهت علينا لذة المشوار
......،،،.................. ولابه غير نار(ن) داخل الخفاق حراقه

تفارقنا بلا داعي ، بلا موعد ، بلا تذكار
......................سوى جرحن بمعلوقي وحزنن طول إعناقه

نسيتي ليه وشعلمك وش اللي غيرك وشصار
......................طواك البعد أو انتي نسيتي صدق ميثاقه ؟؟

تعاهدنا انا وانتي نخطي حاجز الاسوار
.........................ولاننسى مشاعرنا بوقت(ن) يجرح فراقه

نسيتي ليه وش هدم عظيم الحب والاقدار
.................. تجي ضدي وهي تدري بزود الحب واشواقه

بجوف(ن) لو تغربنا ولو ذقنا العذاب أمرار
......................... أشيله داخل ضلوعن على لاماك تواقه

تباعدنا نعم أدري .. وكلن داخله أسرار
....................... تجيه وتخطفه دايم على ماضيه واشراقه

تباعدنا نعم أدري .. وصرنا فالزمان كبار
........................ كبرنا والعمر شايل عظيم السر باعماقه

ألا ياليل ﻻ تشعل على طاري غلاه النار
..................... وانا بالحيل مشتاقن وهي بالحيل مشتاقه

زمن يمضي على مدري وﻻ ندري وش الافكار
..................سوى اني احبس العبره مابين الجفن واحداقه

أكن الآه في جوفي وانا من داخلي منهار
..................... مابين النفس وشعوري مشاعر غيض براقه

تبي تمطر وﻻ تقدر تهل من الدموع اعبار
.................... وصار لحزنها ( وسم ) وبيارق شوق خفاقه

غرابيل الزمن (وفت وكفت) وانتهى المشوار !
............،........ على ليل( ن ) يواسيني ودفتر بعثر أوراقه !!