حسنها غطاء بنات الديره

[حلا ليالي]

حسنها غطاء بنات الديره

اقبلت تمشي بالهون اميره
بالوصايف والدلع مثيره
عطرها مسكن وكادي

من نظرها سببت له حيره
حسنها غطاء بنات الديره
زينها بالحيل زادي

تاه عقلي ثم ضاع الفكري
حركت بالزين هاجس صدري
باللحون اللي جدادي

لا ناظرت بالحسن دايم تسحر
والبشر فيها دوم تبحر
كن ما فيهم ركادي

حسنها الطاغي وهي مغروره
القمر والوجه كنه صوره
من مثلها فالبلادي

الحسان تغار من طلتها
شيختن بالزين في وقفتها
طرفها فيه السهادي

يوسفيه بالجمال الباهي
اجتمع فيها النسب والجاهي
مطلبي هي والمرادي

يا قمر ضوّح علينا نورك
فوق متنك طايحن منثورك
انتي قلبي والفوادي

خصرك الميال عذب روحي
والثناياء جددت لي اجروحي
والشعر زايد سوادي

الشهد يسكن ثناياء فمها
والحلا يجري بداخل دمها
زينها في كل نادي

عينها فيها حور قتالي
والشفايا شهد فيه الحالي
يحفظك رب العبادي

لو تناظر عينها كالنجلا
وبالوصايف هي دوام خجلا
ناعسه مدري رقادي

وعنقها عنق الظبي من زينه
طوله يسبي العقل من حينه
عشت يا ريم البوادي

فوق صدرك يعجز الوصافي
ويتعذر في وصوفه قافي
حسنها ماهو بعادي

البطن ضامر لحقه امجاعه
والصدر بارز وفيه الشجاعه
والنحر برق ورعادي

النحر يلمع بالزين ويبرق
للعيون الناضره هو يسرق
والخشم سيفن حدادي

ممارق لي