اعذريني

[شاعر رومانسي]

اعذريني

اعذريني . لو على الفرقا نويت.. غصب عني ما بأيدي حل ثاني
انا لك ضحيت ووفيت .. بس للأسف قلبك تعلق بواحدن ثاني
كنت لك سحابة حب ..ومنها سقيت .. ماهقيت غيري بياخذ مكاني
يعلم الله على هجرك مانويت .. هذا نصيبي وياك.. من يوم قلبك دعاني
اعذريني.لو بعد اليوم عنك تناسيت .. غير الندامه قلبك ما عطاني
في زمان مضى .كل شي فيك حبيت .. وعايش معاك بعالمن ثاني
وكنت عشقي وروحي .. من فرحتي وياك ناسي زماني
تايه في كف الزمن .. وفي عيونك لقيت مرساي وعنواني
مشيت وفي درب العشق طبيت . وشلي الله بحبك بلاني
خليتني احبك وموت فيك .. وخذيت روحي.. ليمن حبك عماني
جرحتني .. والجرح للمجروح دين .. وانا من جرحك مازلت اعاني
خنت عهدي ويكفي اعذار .. وشلون احب واحدن طبعه اناني
اكبر خطأ من قلبي حبيت .. يوم وداني لك شوقي وخذاني
ضيعتني من بين ايديك .. وانكسر ظهري وضاع مني كياني
اتبع طريق اللي عشقته وبقيت.. وخلني انا جالس في مكاني
خلاص من بعد حبك اتوب .. كلمه .. لو رديت فيها اقطع لساني
كل جرح يهون الا جرح الخيانه .. ليتك شفت العذاب اللي احتواني
اشلون تحبني وانت عاشق لغيري .. ونسيت حبي لك في ثواني
احترت مابين صدقك وكذبك .. وعرفت ان الحب عندك ماله معاني
يلعن الحب وسنينه لى صار بين الناس كذب اماني
ولا تجيني لي حب غيرك وخلاك . ولا تقول تركني ما بقاني
بعد ما خانك زمانك . جاي تقول سامحني وانسى عشاني
انتهينا.. اكيد بعد اليوم بنساك .. ليت شوقي لك ما خذاني

بقلم شاعر رومانسي 21 فبراير 2022