الشاورما اللذيذة على الطريقة السورية

[عيسى العنزي]

المقدمة
الشاورمه السورى بتتعمل من لحم الدجاج + خبز الشاورما
خبز يشترى جاهز من الفرن

الشاورمه
دجاج فيليه او صدور مخليه انا جبت 6 صدور وخليتهم من العضم وقطعتهم صغير جدا وعملوا كيلو و400 جرام لحم حطيت عليهم التتبيله دى
علبه زبادى-عصير 3 ليمونات-معلقتين كبار خل-5فصوص توم مفروم -5 فصوص حبهان طحنتهم فى الهون- نص معلقه صغيره زنجبيل- ملح وفلفل
نقعت الدجاج فى التتبيله من بالليل وشلتهم فى التلاجه
تانى يوم قطعت فلفل احمر وبصل وطماطم بعد ما فرغتها من المويه




نجيب طاسه كبيره وشويه زيت حوالى 4 معالق كبيره ونشوح البصل يادوب بس يدبل
نصفى الدجاج من التتبيله ننزل بيها عالبصل والنار تكون عاليه عشان الدجاج تستوى من غير ما تجف السوائل اللى جواها وتنشف



بعد ما تدخل فى السوا نضيف الطماطم




فى طاسه تانيه صغيره نشوح الفلفل الاحمر لوحده تشويحتين ونحطه الدجاج وتقليبتين ونطفى
ممكن تشوحى الفلفل بعد البصل بس انا خفت لحسن يتهرى وفضلت انى اخليه لوحده عشان ميبقاش طرى اوى




وعشان الحبكه الدراميه وتبقى الشاورمة زى الجاهزة حطيتها فى صينيه ودخلتها تحت الشوايه دقيقتين بس عشان يبقى فيها أجزاء مقرمشة زى المحلات



طاسه وسط وخدي ودهنتهم مايونيز وشويه شاورمه والفة رول واتركه على جنب
ملحوظه
المحلات بتحط مع الشاورمه فى السندوتشات خيار مخلل




بعد ما نعمل السندوتشات كلها نجيب طاسه كبيره وندهنها زيت ونحط السندوتشات تاخد بس لسعه كده من فوق ومن تحت بنقلبها على الجنبين وتتقدم فورا
وكذا الشكل النهائى مع شويه بطاطس محمره ومخلل