يالساحل الغربي

[عواد الهران]

يالساحل الغربي:

جلست انا عالشط وشفت الدلالات = اثار من هو ساكناً وسط بالي

وكني اجدد في خيالي بيانات = والهمس ناجى طيف بقوله :تعالي

والليل رحب بي بقوله : سلامات = والشط رملي والقمر به يلالي

بديت اراجع شيء بخاطري فات = بهذا المكان اللي به الحظ مالي

تعاقبت ساعات من عقب ساعات =وانا اتأمل مع زمن قد مضى لي

يالساحل الغربي : وجودك اجابات = عن مابدر بخاطري من سؤالي

انت ..انت . لاتغيير لا مستجدات = معالمك مامنها شيء زالي

يالساحل الغربي معك لي وقفات = واخص انا ساحلك ذاك الشمالي

وقفات كانت من حياتي عزيزات = يازينها بالوصف كله جمالي

ايام مرت ولا هي بالقديمات = مع صاحباً عزيز بالقلب غالي

في خافقي له حب ورسم وعلامات =ايام حلوه معه وقتي صفى لي

ليا معه ذكرى كلام وجكايات = مازال ذكراها صور في خيالي

ايام من عمري توصف :جميلات = واليوم انا بقول:واعز حالي

تغيرت دنياي وكل المسارات = وين انت يالمجمول وين الوصالي؟

مهما انتظر مره ومره ومرات = مامن امل حيث ان لقاه استحالي

نفسي اشوفه بس نظره بلحظات = واكحل عيوني عقب وقت طالي

ويالساحل الغربي :وداع ونهايات = مهما بشطك ناس: بالعين خالي

بقلمي: عواد الهران