الزعل ماهو دموع

[شذونه]

وقـّـت السـاعة حسـب توقيت الاحباب المحلّي
ياخـــفوق ٍ مايهــاب البحـــر ضــيقه واتـســاعه
ويا نجوم الليل لاغاب السهر في العين طلّي
ليـن نـور الصـبح باكر يسطع فـْ وجهي شعاعه
ويـا قــريحة شاعـر ٍ فـكره من اللهـفه مـولّي
علـّــمي حـــسّادي ان الشـعـــر إبــداع وبــراعه
وزّعــيني فـي قــلوب النـاس وانا في محـلّي
يـكــفي انـّـي فــرد واحــد وتـّأثــَّـر به جـماعه
صـادق الإحــساس لـو إنـّـه ورا ضلـع ٍ معـلّي
ياصــل لجمهــوره الــواعي بلا صحــف وإذاعــه
والزعــل مـاهو دمـوع وضـيقه وحسـره يـاخلّي
ومـن يقـول انه دموع وضيقه وحسره.. إشاعه
الزعـــل بيــن الحـــبايب مثـل لحــظات التجــلّي
فـــرصة التـفكـــير يــا للوصـــل والاّ للـقــطاعه
واللــيالي مــن ســنين العــمر تاخــذ ما تخـلّي
مــن نشـر فيهـا شــراعه لازم ٍ يطـوي شراعـه
واللــقا مثــل القـناعــه .. كـل مازادت تـقـلّي
والفقيـر ان مـات عـذره مـات من كثر القناعه
والمفـارق .. مثـل طـاري المـوت ماعنّه تخلّي
مؤمــن بـه حــق إيـمــاني ولا ادانـي سـماعـه
ويـا حبيــبي لا تــلوم انـسان من طبعه يـزلّي
مـا خلقـه اللـه رسـول ولا جعـل عنده شـفاعه
فــي الــزعل إرفــق عــلينا بالـدلال وبالـتـغــلّي
وان سمحـت العفـو عنـد المقـدره والإستطاعه
وان بغـيت البعـد قلت البعـد قال شـْ فيك قـلّي
قلـت ويش اقول ماعندي على الفرقى مناعه
كنـت احسـب اني شـجاع ٍ لايهـاب ولا يولّي
واثـر يـوم البعــد مايـنفــع شجـاع ولا شــجاعه
قـال شكــلك تبغي الدعـوى مسـرّات وتـسـلّي
وانثـنى ما عاد له في شوفـتي شفّ وْطماعه
قـلت له يا كامـل الأوصـاف أنا طـالـبك باللي
ملـّـكك روح الضعــيف وعلّمـك سـمع ٍ وطاعه
دامـك اختـرت الفراق وجزت من بعضي وكلّي
إخذ عـيني واخذ عـقلي واخـذ خـفاقي وداعه
قال : ليه ؟ وقلت عيني لاجل دمعـاتي تهـلّي
يمكـن اذا شـفــت دمعـي يحـزنك كثر اندفاعه
واخـذ عقلي لاجل تدري كيف منـّك ما يملّي
كيف طـيفـك في خياله كل وقـت وكل ساعه
واخـذ خـفـّـاقـي مـعـك لله فـي لله .. يـاللي
مـادريت بقــيمته عنـدي ســوى لحظـة وداعـه
وكــان لا هــذا ولا هــذا ولا هــذا حصـل لي
الفـقــير ان مـات عـذره مات من كثر القـناعه