قرارً التغيرً " ( مجهودي وكتاباتي )

[غيم•]

السلام عليكم ورحمة الله وبركاته
خالجني كلام من الخاطر نابع في لحظه تغيير نفسي .
اعذروني على الاسلوب العامي اتمنى انها توصلكم الفكره

قرار التغير :
يقولون : كل دقه بتعليمه، ولو ما اندقينا بحياتنا ، او انجرحنا ، او سقطنا في المشاكل مره وثنتين وثلاث، ماكان تغيرنا ، وتغيرت كل خططنا ، والشي الجميل بالذكر ، انو كل الانسان مايصحصح من الوضع اللى هو فيه الا بعد ما ينخذل ، او يحزن او ينجرح من اشخاص ماكانوا متوقعين منهم هالتصرفات على المدى البعيد ، وكلنا لولا هالسقوط ولولا هالدروس ولولا هالانجرافات ، ما اتخذنا قرارات التغير الجذري.

اول شي :
تغير الاولويات اللى اساسا ماهي اولويات في حياتك ،
وترتيب الافكار والاشياء اللى لازم تتغير ، ونحط بدالها الاشياء اللى لازم تصير ، كل فكره تدور براسك وكنت تعتقد انه شي بحياتك اساسي ومهم ، ارجع فكر وشوف هالفكره فعلا اساسيه او انه وهم انته اوهمت نفسك فيه بس عشانك تبيه ، واذا اكتشفت انو والله مو مهمه تخلص منها او اجعلها في الترتيب الاخير في اولويات حياتك،
ثاني حاجه :
عدم التاجيل :
اي شي لازم ومحتم عليك انك تسويه اليوم لازم تسويه، مهما كان هالشي ، لابد ان لايكون هناك تاجيل ، او تسويف ، تقريبا عمرنا راح كله وحنا نقول بكره باسوي كذا، وجاء بكره ، وماسويناه وونرجع نكذب على انفسنا ، ونقول بنسويه بكره، وراح العمر على هالبكره ، اللى لو رجع فينا العمر ورء ندمنا على كل يوم ماصلحنا فيه انجاز اللى كان لابد نسويه .
الشي الثالث :
ازاله كل الطاقات السلبيه :
كيف ؟. اي شي ياثر على اسلوب حياتك، او يومك ، لازم تشيله من حياتك نهائيا ، تمحيه تنهيه وكانه لم يكن من الاساس، اي شي يبث لك بطاقه سلبيه ، وياثر في نفسيتك ودواخلك العقليه والقلبيه ، مافيه اي داعي انك تتمسك فيه ، حتى لو كان مصدر هالطاقه السلبيه اصحاب لك اًو اصدقاء او معارف وتعرفهم من سنين ، تخلص منهم ، الان فعلا ماوراهم الا زيادة احباط ، وزيادة تعب ومشقه ، ومضيعة وقت على الفاضي .
الشي الرابع:
اسلوب حياتك القديم لازم يتغير ، كلنا مو بس انا له روتين معين في حياته اليًوميه ، ابسط مثال عندكم انا ، تقريبا قضيت من عمري 7 سنوات ، انام بعد الفجر تقريبا ، واصحى على وقت الدوام الساعه 2:30 ويادوبك اصلى الظهر واكل لي لقمه ان حصلت شي مطبوخ وجاهز ًان ماحصلت ما احرص على هالشي وعلى طول اتوجهه لدوام ، ومن 3 الى 11 ، قبل هالروتين تقريبا من سنتين ، لكن قبل هالسنتين كانت مختلف اوقات الدوام من 9 الى 12 ومن 5 الى 11 وتو دوامنا يصير شفت واحد،
الزبده انو 7 سنوات من عمري ضاعت وبنفس الشركه وبنفس الروتين مع اخلتلاف فقط انواع الزباين اللى اقابلهم في يومي ، نوم دوام اكل ، ونوم وهكذا ، وكان الله سبحانه ما خلقني الا عشان هالشي ، وفي الحقيقه انا اوهمت نفسي ودثرت نفسي على هالاساس، اللى تو اكتشف ومأخرآ انو للاسف غلط ، الندم الان لا يفيد واللى راح من العمر راح ، ولا عليه رجعه ، العبره في الايام الجايه ، باذن الله الواحد الاحد ، ربي يقويني ، ويقوى عزيمتي هالمره ويوقف معي ، لي اتغير تغير جذري ، في حياتي ، ونفسي ، وفي اولوياتي ، وفي حتى الاشخاص اللى لازم يكونوا بحياتي ، واللى فعلا ما احتاجهم في حياتي .
الشي الخامس:
حاول انو وقتك لايضيع على اشياء تافهه مالها اي معني ، سوالف مالها داعي ، وقوف في مكان بدون اي معني ، استماع لي كلمات دافع سلبي ومالها اي تاثير جيد عليك ، ابدا لا اطير الوقوف وانتظار اشياء مو المفروض انك تنتظرها ، انا من الناس اللى تعشق شي اسمه النوم ، فعليا ليش ممكن عشان طاقتي كلها تروح في شغل ، ومن كثر التعب تلاقوني بس نايمه ولا ابغى شي ثاني ، وماعندي اي مشكله انو انام يومين ، اهم شي ارتاح ولكن ، شي المفروض ما اسويه ، والمفروض وقتي اللى راح كله في نوم ، يكون فيه شي اهم من النوم ، وهذا اللى. راح يصير ، اخذ كفايتي من النوم ، و الوقت الفائض ارتب له جدول استفيد منه،