سجارة كنت

[عيسى العنزي]

..
.

تعبت ارسم من اشعاري ورود وشمعتيـن وبنـت

ابـكتب شعر عن تالي دموعـن كـدرت عينـي

تعبت اشبـه معاناتـي تكـون السالفـة لا كنـت

تعبت اضحك على نفسي على حزني على سنينـي

عجزت اوصل إلى أول حقيقـة قلتهـا لـي انـت

عجزت ارسم طفل يقـدر يسافـر بينـك وبينـي

حرام انطر وانا شاعر إلى منـي نزفـت أدمنـت

حرام اكتب وانا داري وش اللي يكتبـك فينـي

قهر نرسم من الدمعة مطر يسقي عطش ذا البنت

قهر ننسخ من الصرخـة امانـي تسالك وينـي

مواجعنـا قصايدنـا تنـادي حزنـنـا لا هـنـت

تعال الوقت في صـدر السنافي يشكي البينـي

انا هوّنت عـن تالـي مشاريـه الغـلا هونـت

وابـي قلبـك بعـد يقـدر يبعدنـي ويجفيـنـي

توكل روح في دربـك مدامـك يالغـرام اسكنـت

جميع اللي كتب حـرف القصايـد فـي بساتينـي

شبعت من الغلا حرف وسهر ليل ((وسجارة كنت))

عجزت من السفر لعيون من يطعـن شراييني

خلاص اذعنت للفرقا كثـر مـا للغـرام اذعنـت

ابصبر واطـوي اوارق الدفاتر ياعناويني

تلين جبـال للفرقـا وانـا واللـي رزق مالنـت

اقفي واعلن الفرقا وعصـر القلب بيديني

هي الدنيا وش تساوي بعينـي دامنـي ماصنـت

كرامة خافقـي يلعـن جـدف حـبٍ يوطينـي

بلوح لك وانا راحل وبـي منـك طلـب لاهنـت

امانـه خلـنـي تكـفـى بـدربـي لاتناديـنـي

عيسى العنزي