قرّبب.. ابفتح هالصدر علّك اتشوف

[عيسى العنزي]

قرّب ابفتح هالصدر علّك اتشوف
قلب ٍ تمنى في حياته ايشوفك

قلب ٍ سكنه الحب ماخالطه خوف
قلب ٍ تولع فيك وانساك خوفك

قلب يحبك حب وآضح ومعروف
قلب ٍ عشق دنياك واغلى حروفك

قلب ٍ رسمك بلوحته أجمل طيوف
واصبح يباهي في محاسن طيوفك

بيجيك يوم فيه تلقى به صدوف
وتذكر جروح جددتها صدوفك

وذكرآك في ( شط المحبين ) يانوف
مسحتها من فوق قمة رفوفك

مادام شمس الصدق اقفابها كسوف
صعبة اعيش اللي بقى في كسوفك

صعبه اكون بعآلم الكذب مكتوف
صعبه مدام الكذب غطى كتوفك

خلاص ابرحل والوصل فيك معيوف
تعبت من كذبك وطعنة سيوفك

واذا اسألتي فيك ميزآت و وصوف !
بقول ان ( الكذب ) سيد وصوفك