مزيان

[عيسى العنزي]

(( مزيان ))

ذكـرت والـذمـه عـلـى مــن ذكـرهـا
والريـح سـاقـت لــي شـذاهـا هنـيـه
جـابـت ذعـاذيـع الشمـالـي خـبـرهـا
مـيـعـادهـا والـلــيــل والـسـامـريــه
لـبـى مواعـيـد الـغــرام وحـضـرهـا
وتـمـم بـبـدره ثـــم الـقــى التـحـيـه
وقـفـت لين انـــه تـدلــى ثـمـرهـا
باقطـف واشـكـل عطـرهـا مزهـريـه
طـاح الخمـار بسـتـر ربــي ستـرهـا
وورد خجـلـهـا بـالـخــدود الـعـذيــه
ســـال الـغــرام وفـالـجـات بثـغـرهـا
احــلــى ثــمــان(ن) بــــرقن بالـشـفـيـه
من شالها ( روحي ) تضايق شعرها
لـبـيـه يـــا شـــال(ن) سحـبـتـه عـلـيــه
ثـارت مفاتـن والجـفـول اختصـرهـا
وانسـل مــن يمـنـاي عــذب الثنـيـه
لبـيـه يــا مـبـسـم تـجـلـى بقـمـرهـا
كــــن الـثـنـايـا لــوحــتن عـبـقـريــه
لبـيـه يــا سـلـسـال هـــام بنـحـرهـا
اسـوارتــه تـاخــذ شــكــل لـولـبـيـه
الخصـر ميـاس بضـمـوره حشـرهـا
واحــرج ردوفن تنتـشـي نرجـسـيـه
ورمـوش كسلـى للنواعـس كسرهـا
ثمـلـى حـنـان وفــي لحظـهـا مـنـيـه
دعج(ن) على روس المشاعـر شهرهـا
لا قلـت واحــد وقـفـوا فــوق مـيـه
شـط الكحـل حــط المـوانـي حـورهـا
والاشـرعـه ميعـادهـا فـــي صـبـيـه
كـن اليخـوت اللـي ضفـاف ببحرهـا
وقــت الـغـروب ونـسـمـة(ن) ساحـلـيـه
والا اشفتيـهـا جمرتـيـن وصهـرهـا
ليـا ضمهـا تمتـم خـوي مــع خـويـه
جـدران روحـي عامرات بصـورهـا
جــازي تبخـتـر بالحـشـا فـوضـويـه
دفـنـت اسـمـك ســر لـكـن جـهـرهـا
ما غير ( روحي ) في خفوقـي بنيـه
عـل السحـايـب مــا تـغـادر مطـرهـا
تـسـقـي مـواعـيـد الـغــرام بـرديــه
تنـبـت مــروج(ن) والقمـيـري عـبـرهـا
وتـزهــر ثـراهــا دوحــــة(ن) بـابـلـيـه
بقلمي / عيسى العنزي