بـ احتويه ولا على مثلي خلافي

[توت احمر]

لا تبالي دامها جروحي .. عشانك ..
كل جرْح يصيبني لاجلك ( عوافي ) .. !

هو مكانك .. هو مكانك .. هو مكانك ..
كل ما فـ القلب لك من حب .. صافي ..

دامني بـَ اعيش في ظلك و امانك ..
و دامك انتَ تمتلك لي قلب وافي ..

و دام عمري ما يبي الا .. زمانك ..
و دام سفْنك ما رست الا .. بْضفافي ..

و دام جتني يا غناتي من لسانك ..
راح اصونك طول عمري يالسنافي ..

و ان جفاك اصحاب او هالوقت خانك ..
راح اكوّن من حناني ثوب ضافي ..

هات همك .. هات جرح بيوم هانك ..
و هاك قلبي .. هاك روحي و القوافي ..

ولو يجيني ما يجيني بس عشانك ..
بذمتي ما اقول له : يا جرح كافي .. !

و لوتبي قلبي .. بـ يرضي عنفوانك ..
و الله بيمشي على هـ الشوك حافي .. !

و اي جرح قد لفاني من جنانك ..
بـ احتويه ولا على مثلي خلافي ..


شعر : بسمة الخالدي