خذاني الوهم

[توت احمر]

خذاني الوهم [ يمكن" يوم قلت اصبر على فرقاك
وقلت بغيبتك"[ يمكن| يخف الشوق واتحرر

اثاري الليل ياقمري بعد مثلي فقد لضياك
وشوقي مع مرور الوقت بدل ما ينتهي يكبر!!

وكم من شخص قلي عقب هجرك ليه ما انساك
كأن الامر في يدي اقلب فيه واتخير ؟؟

ترى قلبي وهو قلبي ترك صدري إلى يمناك
يلومونه ولا يدروا بهجرك ايش هو يخسر!!

اشيلك من كتاباتي وارجع من جديد القاك
الاقي الحرف يسحبني تجاهك دون ما اشعر

تذكرت التحدي لما قلت ابقى على ذكراك
تذكرت ابتسامه وقتها للحين هي تقهر

ليالينا سوى واحلام كانت جلها وياك
ياليت الوقت نساها ولا ظليت اتحسر

خذلني [يمكن] وياليت [يمكن" انفعتني معاك
غيابك ماتحملته [ويمكن] للابد تخسر..

بقلم
محمود الهاشمي