نورَ الفجر

[توت احمر]

:




:


باقٍ على ميعادك اللّي تَخبْرين ..
مَ اخْلَفت مِن بعْدك بقايا المواعيد ..
حِفِظْتها في داخل القلب والعين ..
حتى الخُطَى ماعنّها اليوم بِتحيد ..
نورَ الفجر ياطلةٍ تفْهَق البِين ..
يكْسِي ثيابه بالغلا ناحلَ الجِيد ..
يمحي ظلامٍ تايهٍ بين جرحين ..
شفٍّ على شَفَّه تَلاقِي وتَنْهيد ..
يُوقِد ظنونه في شموع المحبّين ..
طيره تِقَفّى ما حكاها بتغريد ..
إنّ الغصون اللّي تِروّت بِحلْمِين ..
هَلّ الخريف بِكفّها جاير البِيد ..
فيه الوعد كلمة واظنّك بترضين ..
في قُولَها اوْ وَصْفها دون توكيد ..
اقولها من بعد منتي تعَدِّين ..
رجمٍ خياله بالاماني مواقيد ..
هذي المسافة لاَغدَت بيننْا سْنين ..
ماسِقْت فيها يازماني وَلاَ عِيد ..
واذا انْطوَى ليلي ابَدْ لاَ تخافِين ..
نورَ الفجر وَفَّى جِميع المواعيد ..


مما راق لي 🌹