شوية واقع

[عيسى العنزي]

عزيزتي فيروز ..
بحبك كتير بس هالسيارة مش عم تمشي ..
لأنو ما ضل معنا حق بنزين ..
والقهوة اللي ع المفرق سكّرت وصرفت الشغيلة ..
وأديش كان في ناس ع المفرق تنطر ناس .. اجت قذيفة وجابت أجلهن ..
و وقت سألت حبيبي لوين رايحين ؟
قلي تروح روحك ، وين بدك يانا نروح بـ زخ الرصاص والدج ؟؟
وزوجها لـ أم سليمان ما طلع عم ياكل رمان بالحقلة ..
طلع مخطوف وأم سليمان باعت اللي فوقها واللي تحتها لحتى تطالعو وتدفع المعلوم .. وبعد ما ضاع شادي ، استشهد أحمد وعلي وميشيل ، لذلك أنا قررت آخد الناي وغنّي ؛ بلكي هالعالم تصحى بقى وتتذكر إنو سوى ربينا .