شيرين: لو جوزي سواق تاكسي وسابلي 10 جنيه هقول له على راسي

[حلا ليالي]

قدمت الفنانة شيرين عبد الوهاب نصيحة لتجنب حالات الطلاق المشابهة لطلاقها من الفنان حسام حبيب.

وفي مداخلتها الهاتفية مع الإعلامي عمرو أديب ببرنامج "الحكاية" المذاع عبر قناة MBC مصر، قالت شيرين: "إن الراجل يفضل راجل حتى لو بيكسب في الشهر 10 جنيه، والست تفضل ست حتى لو بتكسب في الشهر 2 مليون جنيه."

وأضافت: "أنا الست دي، لو جوزي شغال سواق تاكسي وسابلي 10 جنيه وقاللي ده مقدرتي يا بنت الحلال، هقول له على راسي وأبوس جزمته وأحطها فوق دماغي كمان. لكن ملوش دعوة أنا بكسب كام."

وتابعت: "لو الراجل حس إن الست بتاعته أعلى منه في أي شيء خصوصا الماديات بيحس إنه ضعيف. لكن الراجل يفضل راجل ودكر بقرشه اللي على قد مقدرته. عاجبك يا بنت الحلال تعيشي على كده عاجبك، مش عاجبك هي دي مقدرتي روحي لحالك وسيبيني لحالي."

يذكر أن شيرين ظهرت في حفلها الغنائي الأخير في أبوظبي بإطلالة فاجأت جمهورها، عندما صعدت على المسرح حليقة الشعر، وأثارت إطلالتها تساؤلات عن مرورها بأزمة نفسية بعد طلاقها، أم أن الأمر مجرد "نيولوك".

لا يفوتك: "تحليل النغمات مع عمك البات" يكشف لنا لماذا الفنانة الإماراتية اليمنية بلقيس ظاهرة تستحق الدراسة؟