اختيارات من روائع الشاعر بدر عبد المحسن

[جوريه]

ياطفلة تحت المطر ...
تركض واتبعها بنظر ..
تركض تبي الباب البعيد ..
تضحك على الثوب الجديد
ابتل وابتل الشعر ...
لو رميتي شالك الدافي على متن السما ..
دفيت الشمس في فصل الجليد ..
لو نثرتي صوتك الحاني .. على صدر الضما
أنبت العشب وأخضرالجريد

[جوريه]

نبي .. نطفي قمرنا ..
لو يعذبنا السهر .. والخوف ..
نبي ننثر قهرنا .. يا حبايبنا ..
على مد النظر .. والشوف ..
نبي ننزع من أعماق الحشا سكين ..
نبي ننزف حنان العاشق المسكين ..
ونجرح في سواد العين .. صورنا ..
ونبي نطفي قمرنا ..
سامحينا يالمحبة .. لو جرحنا وانجرحنا ..
س امحينا لو نسينا .. في الهوى ضحكة فرحنا ..
وآه يالنصل الحرير ..
ياهوى القلب الضرير..
يالجروح اللي مضت .. واللي بتصير ..
نبي ننزع من أعماق الحشا سكين ..
نبي ننزف حنان العاشق المسكين ..
ونجرح في سواد العين .. صورنا ..
ونبي نطفي قمرنا

[جوريه]

العشق .. هو خال .. وزمام ..
والا العيون اللي .. محاجرها ظلام ..
العشق مو قبل السلام ..
أو بعد السلام ..
يابنت أنا أحبك ..
أحبك والسلام ..
***
واناظرك وانتي بشعرك تلعبي ..
باصابعك كل الحديث اللي أبي
ما تعبت ليلي أناظرك .. ومااظنك إنتي بتتعبي
با بنت أنا أحبك .. والسلام ..
***
انا اعرفك يا اخت النهار
الشمس تجذبك بنسب
لو اوصفك وردة و نار
جرحني شوكك و اللهب
ما تعبت ليلي اناظرك
وما اظنك انتي بتتعبي
يا بنت انا احبك و السلام

[جوريه]

الله يعلم إني حاولت .. حاولت
أسند على كفي السما .. وأناظر الشمس
أشرب عن عيونك ظما
أشرب ظما الشمس
وقلتي عسى ... جفنك عسى مايحترق
حاولت ماأغمض عيوني
حاولت أنا .. ما نفترق
..آه لو تدرين لوتدرين
لاعوّد العاشق حزين
يمشي على جفن وجبين
عزاه يالقلب الشجاع
ضاع الأمل .. وما لك عذر
من لمست عيوني الشعاع
زندي أنثنى .. ورمحي أنكسر
إن لمسني حزنك الطاغي
بغطي وجهي الوجل بيدي
وجرحيني .. جرحي .. جرحي
ثم ابعدي
ريحي الصمت بكلام
آه .. لو كلمة ملام
إرجعي تحت الظلام .. عوَّدي
في سنا القلب اللي توه يحترق
غمضت أنا عيوني
غمضت أنا عيوني
ياإنت بنفترق
والله يعلم .. إني حاولت

[جوريه]

الله أقوى غدا شوفك سراب كيف أبا أروي حنيني .. بالظما يا ممنى حياتي .. بالسحاب وين غيث المحبه .. ما هما اجدبت بالحشا أرض العذاب واشتكت من تجافيك السما كيف ترضى عليّ .. طول الغياب وانت حبك جرى مجرى الدما يا حبيبي ذوى قلبي وذاب من عذابــه وبيح ما كما وعل عينٍ .. رضت فيك العتاب تشتكي بعد نوره مـ العمَا

[جوريه]

؛
ما أقول أنا لبيه .. وما أقول سمّى ياعيونه اللي ما صفت لي وتكدّرت يا صاحبي بكفيك مدحي وذمّي كان الجفا تقصير يا زين قصرت يا من نثر برماح الأهداب دمي لو للجروح ضماد وصلٍ تصبّرت لا شك ما انته يا دعج العين يمّي لا والذي اطغاك زين وَتكَبّرت ظامي هوى وشربت من فيض همّي ويوم ارتوت روحي من الدمع صدرت

[الغالي]

حرف راقي ..
مليئ بالجمال و العذوبه
بوح يـحمل بين طياته اجمل المعآني
سكبت الابدآع هنآ كالعطر
ليرتسم على صفحتك بروآئح الشذى
طاب لي المكوث هنآ بين اروقة حرفك

[اوتارهادئه]

قصيدة اكثر من رائعه
صح لسان قايلها وسلمت يد ناقلها
كل الشكر والتقديرعلى رررروعة الطرح
وتسلم الايااااادي ويعطيك العافية
ننتظر جديدك المميز بشووووق

[كلمات]

طَرِحْ ممُيَّز جِدَاً وَرآِئعْ .. تِسَلّمْ الأيَادِيْ
دُمتْ ودامَ نبضُ متصفحك متوهّجاً بِروَعَةْ مَا تِطَرحْ
لآحُرمِناْ مِنْ جَزيلِ عَطّائك
لروحَكَ جِنآئِن وَرديهّ :91:

[imported_البدر]

دمتي ودام عطائك
لكِ شكري وإمتناني
بإنتظار جديدك
ودي