عبر حالتك ببيت شعر

[مطلع الشمس]

كم عاشق(ن) زاد فيه الويل

مشتاق والشوق ماذله

يبغى حبيبه بعيد الميل

صعبن يجي وصعبن يدله

[hmsraqi]

قال السراب وقلت ظامي سرابه
قال الهلاك وقلت لعيون الاحباب

كانه ذبحني صاحبي من عذابه
مابي لدمي يا هل اللوم طلاب

[مسترٍيَحٍ البال]

مالي غناه عنك يمال الغناه
انت الحياه اللي اهيم بها و احبها

طيفك يحاصرني مع كل الاتجاه
يا أجمل مواضيع القصيد و لبّها

شفهم لا قالوا تحب الحياه
اتخيلك و اقول اي والله احبها

‏خلك معاي ولا تسأل عن راحتي
‏انت بس ابقى معاي وانا كلي بخير

[hmsraqi]

رمح الغياب اللي رمته المقادير
وقع ورى عوج الحنايا .. وتكا

تصبح وتمسي يَا رفيقي على خير
وانا عيوني من عناها .. تشكا

[همس الليالي ✿]

أنت ياكثرك معي في ذكرياتي
‏حتى لو أبطت عن كفوفي كفوفك

‏لا بغيت إني أشوفك لا تحاتي
‏بلتّفت لآيامنا الحلوه و اشوفك

[توت احمر]

‏يا أغلى البشر وجهك علاج الإكتئاب
‏ومواصلِك مثل السحاب المنهمر

‏حتى ولـو قلبي شَعر بـ الاغتراب
‏أنت الوطن وأجمل ملذات العمر

[همس الليالي ✿]

قالوا تحبه..قلت ماهو بالحيل
بس انه اغلى شوي من نور عيني
يسوى جميع الجيل الاول وهالجيل
أحبابي الماضين والمقبليني
شوقي له أعظم من ظما الأرض للسيل
وأشفق عليه أكثر من أم الجنيني
واحتاج له حاجة ثرى مصر للنيل
وعليه أغار ولو من ما لوالديني
اشتاق له شوق المحبين لليل
وارتاح له راحة دموع الحزيني
لا صار جنبي لو سنه وقتي بخيل
ولا غاب لو لحظات صارت سنيني
قالوا يحبك.. قلت هذا هو الويل
ما ودي أنشد ثم رفضه يجيني
وأهدم رجاي بدبرتي مثل ما قيل
والأفضل أحيا بالأمل لو لحيني
يا حبكم يا ناس للقال وللقيل
والأمر لو هو سهل يصبح مهيني
خلوني أحيا في الوهم يا عواذيل
وش دخلكم والأمر بينه وبيني

[توت احمر]

وأحب ساعة جيتك وأشريها
‏مشغول بك قلبي وقبله فكري

‏و الليلة اللي ما أكلمك فيها
‏ما أعدّها لاجيت بحسب عمري

[Rand]

عقب ما كنت إجتماعية و أحب الإجتماعات
‏صرت أفضل فـ أغلب الوقت وحدانيتي

‏أتجنب زحمة الناس قدر المستطاع
‏ راحتي في روحتي ما هي بـ في جيّتي

‏من نشدني بعدها ليه كثر الإنقطاع
‏قلت له يعفيني و يعتمد عفويّتي

‏الحرار اللي تحب العلو و الارتفاع
‏شفت نفسيتها وافقت نفسيتي .
ظ°