هــذا مكاني .. لانوى قلبي الكلام ..

[ساري]

بسم الله الرحمن الرحيم
2021/8/11
.
.
.
هـذا مكـاني .. لانوي قلبــي الكلام
هـذا مكـاني لانـويت أكتب حروف

وإذا مــريت أنــا بــ حـــالة غـــرام
بـ خـط أشعــاري هنـا للـي يشـوف

هـاوي شعـر وايضـاً تراني مُستهام
ولي قلب مشكلتي معه انه عطوف

أحب أفضفض في حدود الأحترام
وأحب أكتب وش بخفـاقي يطوف

وسـلام يـامـوقع ليـالينا .. ســـلام
ياللي غـلاك بداخلـي مـاله وصوف

ربـي .. يديمك في حيـاتي كل عام
وياليت عنّـك مـاتبعـّدني الظروف!
.
.
.
ساري

[ساري]

^
^
.
.
تكمله ..
.
.

مـدري مـن الله هـالغـلا والأهتمــام
أو أن قلبـي عـادته طـرد الخشوف!

وانـا .. هــواي اللــي يطقّـن اللثــام
واللي لهن ذوق ٍ على نقش الكفوف

مُعجب جمـال وأتبـع سـلوم الغـرام
ومـ أختـار الا اللي أحس أنه هنوف

هي غـايتي هي منيتـي هيّ الهيـام
ومـاغيرهـا قـدام نظــراتـي اشوف!
.
.
.
ساري

[ساري]

^
^
تكمله
.
.
العشـق مـاهو ياعـرب ربـي حـرام
العشـق مـن ربـي خلقنـا ومعَـروف

واللي خذت تفكيري وصارت مرام
مـاحيد عنها لـو يحطـون السيوف

قـولـوا لها انـي علـى أَخيـاله أنــام
وأصحـى أدوّر وينهـا بين الطيوف

مـاهو علـى كيفـي وللعشق أحتكام
وأنا أتبع احساسي ولو فيه الكلوف
.
.
ساري

[ساري]

^
^
تكمله
.
.
ولاهـو انـا اوّل عــاشق ٍ بيـن الانـام
قبلـي مـن العشـاق مئـات .. وألـوف

وانـا هـويت اللـي رمتنـي بـ السهـام
لين غرست في داخل الخفاق خوف

مـدري تبينـي أو مـ يعجبهـا الكـلام!
والا انهـا فيهـا مـن اطبـاع الكسوف

( يـاحظ .. يـا اقدار .. يـارب الغــرام )
انـا وش اعمل لاغـدا قلبي شغوف؟
.
.
ساري

[ساري]

وش عندنا غير الشعر والكتابه
هـي الـذي فيهـا نفلّ التفــاكير

لاصـرت غــارق بين هـم وكآبه
من بعد ربك مالك الا التعـابير!

هات القلم دام الشعر باستجابه
ووده يبـوح ابلا تحفّـظ وتأثير

دوّن حـروفي عن جفاه وغيابه
واكتب تراني دونها ماني بخير
.
.
ساري

[ساري]

مـن كثـر مـابـي لهفة ٍ لك تنـاديك
صرت انتظر رجعتك مع كل قادم

ويــوم ٍ أبـرّق بيـن هـذي وهـذيـك
مـا القــاك مـابيـن البشـر والاوادم

تدري وش احساسي اذا ما الاقيك
مثل الخبـر لاجـاك بالحيل صـادم!

يـاليتنـي اعـرف ديارك واراضيك
والله ... غيـر أرحل ولانـي بنادم!
.
.
ساري

[ساري]

أحـس بك روح ٍ تشـابه لـ روحي
وفي كل شي اشوفني منّك فيك

أحتـاج تفسيـر لسـؤال ٍ لحـوحي
ليه انت بالذات المحبه تنـاديك؟

أو ان مكتوب ٍ علي وسط لوحي
اني أحبك في حياتـي وأهاويك!

فعلاً بقلبـي شـي طبعه فضوحي
يفـز لك حتى ولـو بـس طـاريك!
.
.
ساري

[ساري]

مـا بهالدنيا مُحـال أومستحيل
والأماني ... يـاسِهل تحقيقهـا!

ليش تاخذني بهالدرب الطويل
وأنت تدري بغـايتي وطـريقها!

جيـت يمّـك مـا توقعتك بخيل
وجبت روحي عندك لـ ترويقها

نفسـي لغيــرك تـراها مــاتميل
لكـن .. الهجــران فيك يعيقها!

تدري انك لي دواي السلسبيل
وشوفتك تطفي لهب حريقها!

كـم تخيّلتك وانا في نص ليل
وكـم تمنييتك بحـزة ضيقهـا!

ايه لا تستغرب الحـبْ الجميل
والقصـايد .. .. لابـدا تحليقها!
.
.
ساري
155:-

[ساري]

للمشاعر ..للأحاسيس .. وقدرها
خـانت الدنيـا مع القلب الصدوق

أيه ياقلبي .. هـي الدنيا تخبَرها!
اغلب الاحيان تمشـي بدون ذوق

لا تعـاتبها .. فقـط .. خـذ بعِبَرها!
ولا تكـرر غلطتك فـي كـل سـوق

من بغـا قـربك يبـي يرقا خطرها
ومن بغـا بُعـدك يـا كثـر الطروق!
.
.
ساري

[ساري]

ان كنـت انـا فـي جيّته عنه لاهي
أفـز لـه فــزة خفــــوق ٍ لغــــاليه

محبتـي له .. ما تغّيـر .. كمـا هي!
ووالله .. أنا للحين مـازلت راجيه

له في حنايا الصدر احساس راهي
وله من غلاي اللي يزوده ويكفيه!

يحـق لـي فيـه الفخــر والتبـــاهي
محـدن بهـالدنيـا بـ قلبـي يساويه!
.
.
ساري